Alparslan büyük selçuklu 32 bölüm izle

Esbâb-ı azli kesîr idi. Amma, müsâmaha olunmuş-idi. Telhîsî olan Abdullah, vezîr Derviş Paşa - nın eniştesi olmağla, iki tarafı yedine alup, beş yüz, altı yüz kîse intifâ etmekle, âfâka şöhret vermiş-idi. Bir hafta mukaddem Siroz^^^ [Serez] maddesinden altmış kîse alındığı, rikâb-ı müstetâba arz-ı hâl ile ifâde olundukda, Telhîsî ihrâc olundu. Lâkin kabîh işler dahi aşikâr olmağla, bugünkü gün mevlânây-î müşârü n-ileyh dahi azle giriftâr oidu. Bir kaç gün sonra vukü bulan fâhiş işler dahi lyân olmağla, Bursa ya nefy olunup, azlinden yetmiş gün mürûrunda, kayd-ı fenâdan rehâ ve cıvâr-ı na imü l-câr-ı Eşref-zâde de vücûdunu ibkâ eyledi. Vilâdet-i şehzade Sultan Ahmed : Ve Şevvâl in yirmi altıncı günü (8 Aralık 1776), tulû -ı şemsden sonra, sülâle-i şehinşâh-ı felek-bargâh, Abdülhamid Hân-ı hâkân-ı hâfikîn hazretlerinden sebeb-i âferîniş-i âlem^”^ ve bâ is-i tahmîr-i tıynet-i âdem ref-refsüvâr-ı âlem-i illiyîn, memdûh-ı medîha-i hâtemü n-ne'bîyyîn aleyhi efdalû s-salât ve ekmelü t-tahîyât hazretlerinin semiyi Sultan Ahmed nâm bir şehzâde-i cıvân-baht-ı cenâbı yümn-i makdem-i hümâyûnu ile kuhlü -lcevâhir- dîde-i âftâb ve her-câ, şevk-efzâ ve şehr-i dil-ârây-i İslâmbol, münevver ve memnun olup, beş gün top şenliği ile iktifâ ve beş gün Paşa-kapusu ve ehl-i manâsıb konakları ile kibâr ve ağniyâ, pilâv ve zerde tabh, cemî sıbyân-ı mektebe ve fukara ve mesâkin ve ebnây-i sebîle, fî-şebîli l-lâh sebîl olunup, kaşıkların sinilere olan şakırdısı^^”* âhengi ile kana at olundu. Her bir mektebin sıbyâmna yalnız Bâb-ı âsafî den birer ru'b, halîfelerine birer altın, hocahrma birer ferace heman Paşa-kapusu nda tabh olunan pilâv ve zerdeye [534/a] sarf olunan pirinç on iki bin keyl olduğunu ba de azlü l-vezîr^^^ vekîl-harcı Mahmud Ağa dan tashîh olunmuştur. …